पुष्प, वर्षा, आँचल र सागरको ‘ब्रेकअप गरौंला’

काठमाडौं । गायिका समिक्षा अधिकारी र गायक किरण भुजेलको स्वरमा ‘माया गरौंला–२, ब्रेकअप गरौंला’ गीत सार्वजनिक भएको छ । कृष्ण भारद्धाजको संगीत, तिलकप्रताप चन्दको शब्द रहेको छ ।
६ महिना अगाडि सार्वजनिक भएको ‘माया गरौंला’ हिट भएपछि निर्देशक सरोज वलीले सिरिजको रुपमा ‘माया गरौंला–२’ सार्वजनिक गरेका हुन् । यो गीतको भिडियोमा पुष्प खड्का, वर्षा राउत, आँचल शर्मा, सागर लम्साल लगायतका कलाकारको अभिनय छ ।
भिडियोमा सागर र आँचल, पुष्प र वर्षा जोडीको रुपमा देखिएका छन् । सरोज वलीको निर्देशनमा तयार भएको यो भिडियोलाई विक्रम स्वाँरले कोरियोग्राफी गरेका हुन् । भिडियोमा नवराज उप्रेतीको छायांकन, सुवर्ण दुलालको सम्पादन छ ।