एमाले अध्यक्ष ओली र नेता नेपालबीच पुनः भेटवार्ता हुँदै
काठमाडौं । नेकपा एमालेका अध्यक्षका केपी शर्मा ओली र वरिष्ठ नेता माधवकुमार नेपालबीच आज पनि भेटवार्ता हुने भएको छ ।
साँझ सिंहदरबारमा हुने भेटवार्तामा ओली र नेपालले आफू निकट नेताहरुलाई पनि सामेल गराउने बताइएको छ । ओलीसँगको वार्तामा नेपालसहित भीम रावल, सुरेन्द्र पाण्डे, घनश्याम भूसाल, गोकर्ण बिष्ट र रघुजी पन्त सहभागी हुने भएका छन् भने ओली तर्फबाट भने टुंगो लागेको छैन ।
ओली र नेपालबीच बिहीबार दिउँसो चार घण्टा लामो सम्वादले एमालेभित्रको विवाद मिलाउने सहमति भएको थियो । त्यसपछि नेपाल समूहका सांसदहरुको सम्भावित राजीनामा रोकिएको थियो ।