थप ८,२०३ जनामा संक्रमण, ६,८९१ जना संक्रमणमुक्त, १९६ जनाको मृत्यु

काठमाडौं । नेपालमा पछिल्लो २४ घण्टामा कोरोना संक्रमणका संक्रमित ८ हजार २०३ जना थपिएका छन् भने ६ हजार ८९१ जना कोरोना संक्रमणमुक्त भएका छन् ।
स्वास्थ्य तथा जनसंख्या मन्त्रालयका अनुसार थपिएका सङ्क्रमितसँगै नेपालमा कोरोनाका चार लाख ७२ हजार ३५४ पुगेको छ । हालसम्म तीन लाख ५२ हजार ४१४ जना कोरोनामुक्त भएका छन् । हाल एक लाख १४ हजार ५२९ जना आइसोलेशनमा छन् ।
त्यस्तै पछिल्लो २४ घण्टामा १९६ जनाको मृत्यु भएको छ । हालसम्म पाँच हजार ४११ जना सङ्क्रमितको मृत्यु भएको छ । कोरोनाबाट निको हुने दर ७४.६ प्रतिशत रहेको मन्त्रालयले जनाएको छ ।