कांग्रेस नेता पौडेल समूहको बैठक महामन्त्री कोइराला निवासमा

काठमाडौं । नेपाली कांग्रेसको १४ औं महाधिवेशन नजिकिएसँगै गुटगत छलफल तीव्ररुपमा भइरहेका छन् । यसैक्रममा वरिष्ठ नेता रामचन्द्र पौडेल समूहको बैठक शुरु भएको छ । पार्टीका महामन्त्री डा. शशांक कोइरालाको निवासमा पौडेल समूहका नेताहरुबीच छलफल भएको बताइएको छ ।
बैठकमा नेता पौडेल र महामन्त्री कोइरालासहित नेताहरु प्रकाशमान सिंह, अर्जुननरसिंह केसी, डा. रामशरण महत, डा. मीनेन्द्र रिजाल, डा. शेखर कोइरालालगायत सहभागी रहेको एक नेताले बताएका छन् ।
पौडेल समूहमै सभापतिका आकांक्षी धेरै भएपछि सहमति जुटाउन नेताहरु छलफलमा जुटेको बताइएको छ । संस्थापन पक्षका उपसभापति विमलेन्द्र निधि र सस्थापनइतर समूहका महामन्त्री डा. कोइराला र पूर्वमहामन्त्री सिंहबीच नेतृत्वका लागि पटकपटक छलफल भइरहेका बेला वरिष्ठ नेता पौडेल निकै सशंकित बनेका छन् ।