संक्रमण दिनप्रतिदिन बढ्दै, एकै दिन ३ हजार ८९९ जनामा संक्रण पुष्टि

काठमाडौं । पछिल्ला केही दिनदेखि कोराना भाइरसका सक्रमितहरु दिनप्रतिदिन बढ्दै गएका छन । स्वास्थ्य तथा जनसंख्या मन्त्रालयले दिएको जानकारी अनसार पछिल्लो २४ घण्टामा मात्र ३ हजार ८९९ संक्रमित थपिएका छन् । १७ हजार ५१८ जनाको परीक्षण गर्दा पीसीआर विधिबाट २ हजार ७२६ जना र एन्टिजेन विधिबाट १ हजार १७३ जना संक्रमित थपिएका हुन् । हालसम्म पीसीआर विधिबाट ६ लाख ८५ हजार ६७३ जना र एन्टिजेन विधिबाट ५७ हजार १४४ जना संक्रमित भइसकेका छन् ।
मन्त्रालयका अनुसार २४ घण्टामा १ हजार ७७८ जना मात्र संक्रमणमुक्त भएका छन् । नेपालमा कूल संक्रमितमध्ये ६ लाख ४७ हजार ७९ जना निको भएका छन् । नेपालमा निको हुने दर ९४।४ प्रतिशत रहेको छ ।
कोभिड–१९ को संक्रमणबाट थप २० जनाको मृत्यु भएको छ । १।५ प्रतिशत मृत्युदर रहेको नेपालमा ९ हजार ७५८ जनाको मृत्यु भइसकेको छ ।
हालसम्म ३४ लाख ६२ हजार ३४० जनाले कोरोनाभाइरस विरुद्धको पहिलो मात्रा खोप लगाएका छन् भने १४ लाख ५७ हजार ६७० जनाले दुवै डोज खोप लगाएका छन् ।