जसपा संसदीय दलको नेतामा यादव

काठमाडौं । जनता समाजवादी पार्टी (जसपा)को संसदीय दलको नेतामा अध्यक्ष उपेन्द्र यादव सर्वसम्मत रूपमा चयन भएका छन् । शनिबार बसेको संसदीय दलको बैठकले यादवलाई दलका नेतामा चयन गरेको हो । बैठकमा २१ जना सांसद उपस्थित थिए ।
यादवलाई दलका नेतामा संघीय परिषद् अध्यक्ष बाबुराम भट्टराईले प्रस्ताव गरेका थिए भने महेन्द्र यादवले सर्मथन गरेका थिए । निर्वाचन आयोगले पार्टीको आधिकारिकता विवाद निरुपण गरिदिएपछि जसपाले दलको नेता चयन गरेको हो ।
यसअघि महन्थ ठाकुर पक्षले राजेन्द्र महतोलाई दलको नेता चयन गरेको दावी गरेको थियो । ठाकुर पक्षका सांसद तथा परिषद सदस्यहरु यादवपछि लागेपछि यादप पक्षले नै पार्टीको आधिकारिकता पाएको हो ।