गुल्मीमा बन्दै गरेको भवनको छतबाट लडेर एक जनाको मृत्यु

गुल्मीमा बन्दै गरेको भवनको छतबाट लडेर एक जनाको मृत्यु भएको छ। सोमबार दिउँसो करिब साँढे ४ बजे रेसुङ्गा नगरपालिका वडा नम्बर २ मा उदिनढुङ्गा जिपपार्कमा बन्दै गरेको जिपपार्क काउन्टर भवनको छतबाट लडेर धुर्कोट गाउँपालिका–७ वाग्लामा घर भई तम्घासमा मजदुरी गर्दै आएका गोविन्द घिमिरेको मृत्यु भएको हो।

छतबाट लडेको देखेपछि स्थानीयले प्रहरीलाई खबर गरेका थिए। स्थानीयको सहयोगमा प्रहरीले घिमिरेलाई गुल्मी अस्पतालमा ल्याएको थियो। अन्दाजी ५१ वर्षिय घिमिरेको उपचारको क्रममा गुल्मी अस्पतालमा मृत्यु भएको जिल्ला प्रहरी कार्यालय गुल्मीका प्रहरी नायब उपरीक्षक पुरुषोत्तम पाण्डेले जानकारी दिनुभयो।