३ मुक्तक

सगरमाथा नेपालीको शिर देखेर
हिमाल सँगै पहाडको भिर देखेर
गौरवको गाथा गाउँछिन् मेरी तराई
आफ्नै काखमा यो नेपाली वीर देखेर
(१)

जीवनमा कहिल्यै मेट्न नसक्ने खत बसेको छ
अपराधीलाई छुटाउन जमानत बसेको छ
बालपनमा संस्कार दिने बाबुआमा नै नहुदा
खराब काम मात्र गर्ने उस्को ल्याकत बसेको छ
(२)

निरन्तर कुराकानी सुन्दर शान्त बानी देखेर
आफ्नै दिलमा पनि पराईको मनोमानी देखेर
छिट्टै बसाइँ सर्न सक्छिन् एक प्यारी राजकुमारी
हजुरकै मनभित्र प्रेमको राजधानी देखेर
(३)