द भ्वाइस नेपालका विजेता किरणको ‘जुनी जुनी’ गीत सार्वजनिक

काठमाडौं । ‘द भ्वाइस अफ नेपाल’का विजेता किरण गजमेरको स्वरमा ‘जुनी जुनी’ को म्युजिक भिडियो सार्वजनिक भएको छ । गजमेरको शब्द तथा संगीत रहेको गीतको भिडियोमा चर्चित मोडल गीता ढुंगाना र कमल सिंहले अभिनय गरेका छन् ।
वैँशालु उमेरमा प्रेममा परेका एक जोडीको प्रेमी कहानीको रमाइला पल गीतको भिडियोमा देखाउने कोसिस गरिएको छ । भिडियोमा सुन्दरी मोडल गीता गज्जबसँग खुलेका छिन् । लोकराज अधिकारी एसोसियट निर्देशक रहेको गीतको एरेन्ज धिरज श्रेष्ठले गरेका हुन् ।
बुद्ध थापाको छायांकन रहेको भिडियो विकास दाहालले सम्पादन गरेका हुन् । अमेरिकामा बस्दै आएका गीतकार तथा संगीतकार एल्बम तरंगको चर्चापछि किरणलाई लिएर यो गीत बनाएका हुन् ।