पैसा खर्च गरेर चुनाव जित्न खोज्नेहरु यसपटक अत्तालिए : अध्यक्ष नेपाल

काठमाडौं । नेकपा एकीकृत समाजवादीका अध्यक्ष माधव नेपालले पैसा खर्च गरेर चूनाव जित्न खोज्नेहरु यसपटक अत्तालिएको टिप्पणी गर्नुभएको छ ।
बुधबार रौतहट–१ मा जारी मतगणनाको अवस्थामा बुझ्न पुग्नुभएका अध्यक्ष नेपालले सञ्चारकर्मीसंग कुरा गर्दै जनताको मत किनेर चूनाव जित्न खोज्नेहरु यसपटक अत्तालिएको टिप्पणी गर्नुभएको हो ।
अहिलको चूनाव पैसा खर्च नगरिकनै आफुले जितेको उहाँले बताउनुभयो । जनतालाई लुटेर पैसा कमाउन चाहनेहरु पैसा खर्च नगरि कुनै काम गर्न नै नसक्ने भन्दै उहाले आफ्नो ढेउवा सम्बन्धी अभिव्यक्तिले उनीहरु लुटको राज्य सकिन्छ कि भनेर डराएको जिकिर गर्नुभयो ।
अध्यक्ष नेपाले आफु र आफ्ना पार्टीले देशको बिकासका साथै जनताको समस्यामा समाधानका लागि गरेको प्रतिवद्धता पुरा गर्ने बताउनुभयो ।