कांग्रेस संसदीय दलको नेतामा देउवा र थापाको उम्मेदवारी

काठमाडौं । नेपाली कांग्रेस संसदीय दलको नेतामा सभापति शेरबहादुर देउवा र महामन्त्री गगनकुमार थापाले उम्मेदवारी दिएका छन् । सभापति एवम् प्रधानमन्त्री देउवाको प्रस्तावकमा रामचन्द्र पौडेल रहेका छन् भने महामन्त्री थापाको प्रस्तावकमा डा. शेखर कोइराला र समर्थकमा धनराज गुरुङ र विश्वप्रकाश शर्मा छन् ।
कांग्रेस संसदीय दलको नेता चयनका लागि बुधबार मतदान हुनेछ ।
संसदीय दलको नेता चयनका लागि उम्मेदवारी दर्ता गर्नु केही समय अघि काठमाडौंमा बसेको संस्थापनइतर समूहको भेलाले दलको नेतामा साझा उम्मेदवार बनाउने सहमति गरेको थियो ।
मुलुकको राम्रो भविष्य र आफ्नो समूहको बिचारधारालाई एकतावद्ध गर्नका लागि १५ औै महाधिवेशनमा सभपतिको उम्मेदवार पुनः डा. कोइरालालले बनाउने सहमति अनुसार संसदीय दलको नेतामा थापालाई साझा उम्मेदवार बनाउने सहमति भएको बताइएको छ ।