राष्ट्रपति भण्डारी र एमाले अध्यक्ष ओलीबीच भेटवार्ता
काठमाडौं । राष्ट्रपति विद्यादेवी भण्डारी र नेकपा एमालेका अध्यक्ष केपी शर्मा ओलीबीच भेटवार्ता भएको छ।
बुधबार बिहान महाराजगन्जस्थित शीतल निवासमा अध्यक्ष ओलीले राष्ट्रपति भण्डारीसँग भेटवार्ता गर्नु भएको हो । भेटवार्तामा उहाँहरुबीच राष्ट्रपति, उपराष्ट्रपतिको निर्वाचनलगायतका विषयमा छलफल भएको थियो ।
निर्वाचन आयोगले राष्ट्रपति र उपराष्ट्रपतिको निर्वाचनको तयारी गरिरहेको बेला अध्यक्ष ओली र राष्ट्रपति भण्डारीबीच करिब दुई घन्टा भएको छलफललाई अर्थपूर्ण रूपमा हेरिएको छ।
अध्यक्ष ओलीले मंगलबार पार्टीका वरिष्ठ उपाध्यक्ष ईश्वर पोखरेल, उपाध्यक्ष सुवाचन्द्र नेम्वाङ, प्रधानमन्त्री पुष्पकमल दाहाल प्रचण्ड, राष्ट्रिय प्रजातन्त्र पार्टीका अध्यक्ष राजेन्द्र लिङ्देन र जनता समाजवादी पार्टीका अध्यक्ष उपेन्द्र यादवसँग पनि छलफल गर्नुभएको थियो ।