वागमतीको सभामुखमा राप्रपा महामन्त्री पाठक विजयी

हेटौँडा । वागमती प्रदेश सभामुखमा राष्ट्रिय प्रजातन्त्र पार्टीका केन्द्रीय महामन्त्री भुवन पाठक निर्वाचित हुनु भएको छ ।
सत्ता गठबन्धनबाट उम्मेदवार बन्नु भएका पाठकले निकटतम प्रतिस्पर्धी नेपाली कांग्रेसका उम्मेदवार शिवराज अधिकारीलाई पराजित गरेर सभामुख बन्नु भएको हो । ।
पाठकले ६२ मत ल्याउँदा अधिकारीले ३६ मत मात्र प्राप्त गर्नु भएको छ । सभामुखका अर्का उम्मेदवार नेपाल मजदुर किसान पार्टीकी सृजना सायजूले ३ मत प्राप्त गर्नु भएको छ । नेकपा एकीकृत समाजवादीले भने कसैलाई पनि मतदान गरेन ।
वागमती प्रदेशमा कुल ११० सांसदमध्ये ज्येष्ठ सदस्यबाहेक १०८ जनाको मतदानमा सहभागिता थियो । नेपाली कांग्रेसका एकजना प्रदेशसभा सांसद मतदानमा अनुपस्थित भएका थिए ।