नेपाली विद्यार्थीहरूको उद्धारको लागि नेपाल एयरलाइन्सको जहाज आज इजरायल जाँदै

काठमाडौँ । इजरायलमा रहेका नेपाली नागरिकको उद्धारका लागि नेपाल एयरलाइन्सको जहाज आज त्यसतर्फ पठाइने भएको छ । प्रधानमन्त्री पुष्पकमल दाहाल “प्रचण्ड” ले जहाज पठाउन भएको ढिलाइबारे सम्बन्धित अधिकारीहरूलाई बोलाई त्यसको जानकारी लिनुभएको छ ।
प्रधानमन्त्री प्रचण्डले कुनै हालतमा आज जहाज पठाउन निर्देशनसमेत दिएपछि आजै बेलुकी नेपाल एयरलाइन्सको जहाज इजरायल पठाउने निर्णय भएको उहाँको सचिवालयले जनाएको छ ।
आज राति ११स्०० बजे नेपाल एयरलाइन्सको जहाज त्रिभुवन विमानस्थलबाट इजरायल प्रस्थान गर्नेछ । जहाज दुवईमा ट्रान्जिट गरेर इजरायल जाने भएको बताइएको छ ।