प्रधानमन्त्रीद्वारा सर्वदलीय बैठक आव्हान
काठमाडौँ I जाजरकोट केन्द्रबिन्दु भएर गएको भूकम्पपछिको अवस्थाबारे छलफल गर्न प्रधानमन्त्री पुष्पकमल दाहाल प्रचण्डले आज दिउसो २ बजे प्रमुख आठ राजनीतिक दलको सर्वदलीय बैठक बोलाउनुभएको छ ।
प्रधानमन्त्रीका प्रेस सल्लाहकार गोविन्द आचार्यका अनुसार, बैठकमा भूकम्पपछिको उद्धार, उपचार र राहतका लागि सरकारले गरिरहेको प्रयासबारे जानकारी गराउने र अब कसरी अगाडि बढ्ने सम्बन्धमा दलहरूसँग सुझाव लिइने छ ।