‘सुदूरपश्चिममा बिकासका प्रचुर सम्भावना’
काठमाडौं । परराष्ट्रमन्त्री एनपी साउदले सुदूरपश्चिममा बिकासका प्रचुर सम्भावना रहेको बताउनुभएको छ ।
मंगलबार काठमाडौंको पर्यटन बोर्डमा आयोजित दृश्यमा खप्तड सार्वजनिक कार्यक्रममा मन्त्री साउदले सुदूरपश्चिममा कर्णाली, सेती, महाकाली नदिका साथै अपि, बहुरानी हिमाल लगाएत पवित्र तीर्थस्थल रहेको भन्दै बिकासका प्रचुर सम्भावना रहेको बताउनुभएको हो ।
सुदूरपश्चिम रहेको विविध संस्कृतिहरुलाई नेपालका साथै संसारभर पुराउन कमी भएको उहाले बताउनुभयो । मन्त्री साउदले प्राकृतिक सम्पदाहरुको उपयोग गर्दै सुदूरपश्चिमलाई बिकासको बाटोतर्फ अघि बढाउनुपर्ने धारणा राख्नुभयो ।
कार्यक्रममा दृश्यमा खप्तड श्रव्यदृश्यमा सहयोग गर्नेहरुलाई सम्मान गरिएको थियो ।