कामको आधारमा निर्वाचन जित्न नसके रुवाबासीको अर्थ हुँदैन : गगन थापा
काठमाडौं । नेपाली कांग्रेसका महामन्त्री गगन थापाले कामको आधारमा निर्वाचन जित्न नसके रुवाबासीको अर्थ नहुने बताएका छन् ।
नेपाल ड्मोक्र्याटिक लयर्स एशोसिएशनले शनिबार काठमाडौंमा आयोजना गरेको कार्यक्रममा थापाले अधिकांश स्थानीय सरकार लगाएत प्रदेश र केन्द्रको सरकारमा कांग्रेस सहभागी भएकाले काम गरेर देखाउनुपर्ने भन्दै कामको आधारमा निर्वाचन जित्न नसके रुवाबासीको अर्थ नहुने बताएका ह्न ।
आगामी निर्वाचनका लागि अहिले नै कांग्रेसले काम गरेर देखाउनुपर्ने र अर्को पटक जित्नका लागि आधार तयार गर्नुपर्ने उनले बताएका छन् । थापाले आगामी निर्वाचनमा कांग्रेसले घोषणापत्र भनाई पाँच बर्षमा गरेका कामको नतिजा लिएर जानुपर्ने धारणा राखेका छन् । उनले संघीयतालाई कार्यान्वयन गर्नका लागि आवश्यक कानून नबनाएर कार्यविधि मात्रै बनाएकाले काम गर्न अप्ठेरो देखिएको बताएका छन् ।
थापाले फाल्गुनमा प्रिबजेट छलफल हुने भन्दै यसपटक नयाँ ढंगले बजेट तयार गर्न प्रधानमन्त्रीलाई सुझाव दिएको उल्लेख गरेका छन् ।