कांग्रेस सांसद सापकोटा र राप्रपा सांसद शाहीबीच घोचपेच
काठमाडौं । नेकपा माओवादी केन्द्रका सांसद माधव सापकोटाले संसदको लोगो लगाएर मुलुकको परिवर्तित व्यवस्थाकाबिरुद्ध बोल्नु उचित नहुने बताए ।
प्रतिनिधिसभाको आइतबारको बैठकमा संविधानको प्रस्तवनामै सार्वभौमसत्ता सम्पन्न नेपाली जनता लेखिएको भन्दै संसदको लोगो लगाएर व्यवस्थाको बारेमा बेलाबखत चाहिने भन्दा ज्यादा अर्नगल प्रचारबाजीहरु गर्ने काम भएको बताए ।
उनले संविधानमाथि माथि गएर संसदमा बहस गर्ने अधिकार कसैलाई पनि नभएको उल्लेख गरेका छन् । संविधान अनुसार बेला बेला मन्त्री पनि हुने तर संविधानलाई ध्वंश तुल्याउने काम स्वीकार्य नहुने उनले बताए । उनले संसदभन्दा माथि राजतन्त्रको वकालत हुन नसक्ने जिकिर गरेका छन् ।
लगतै बिशेष समयमा बोल्नुभएका राप्रपा सांसद ज्ञान बहादुर शाहीले बिचार मिल्दैन भन्दैमा सांसदको राजीनामा माग्न नपाउने व्यवस्था रहेको बताए । उनले संविधानको धारा १०३ मा सांसदहरुमा वाक स्वतन्त्रता रहेको जिकिर गरेका छन् । देशको व्यवस्थाका बिषय संशोधनीय रहेको उनको भनाइ छ ।
आफुलाई जुम्लाका जनताले चूनिएर पठाएको भन्दै आफुले राजीनामा दिनुपर्ने कुनै कारण नरहेको उनले बताए । शाहीले आफू मान्छे मारेर सांसद नभएको भनेपछि माओवादी केन्द्रका प्रमुख सचेतक हितराज पाण्डेले नियमापत्ती गरेका थिए । उनले जनाएको नियमापत्तिप्रति कांग्रेसका सांसद सुनिल सर्माले आपत्ति जनाएका थिए ।