दर्शक तर्साउने ‘घर’

काठमाडौं । हरर चलचित्र ‘घर’ शुक्रबारबाट देशभर प्रदर्शनमा आएको छ । सो चलचित्र हेर्ने अधिकांस दर्शकले तर्सिएको बताएका छन् । दर्शकहरुले चलचित्र हेर्दा निकै डर लागेको भन्दै नेपालमा यस्तो किसिमको चलचित्र बन्नु सुखद भएको प्रतिक्रिया दिएका छन् ।
शर्मिला पाण्डेको लगानीमा तयार भएको सो चलचित्र एउटा घर भित्रको कथालाई प्रस्तुत गरिएको छ । अर्पण थापाले लेखन तथा निर्देशन गरेको चलचित्रमा अर्पण थापा, बेनिशा हमाल, सुरक्षा पन्तको मुख्य भूमिका छ ।
नेपालमा हरर जनराका चलचित्रले राम्रो व्यापार नगरिरहेको समयमा यो चलचित्रबाट भने निर्माणपक्ष आशावादी देखिएको छ । निर्मात्री पाण्डेले चलचित्रको ओपनिङ सुखद भएको बताएकी छिन् ।