ट्रयाक्टर दुर्घटनाः दुई जनाको मृत्यु
रोल्पा- पश्चिमी रोल्पामा ट्रयाक्टर दुर्घटना हुँदा चालक र सहचालकको मृत्यु भएको छ ।
घर्तीगाउँबाट ओट जाँदै गरेको रा १ त १५०७ ट्रयाक्टर बुधबार राति साढे आठ बजे माडीगाउँपालिका-१ भिताबाङमा पल्टिँदा दुईजनाको घटनास्थलमै मृत्यु भएको हो ।
दुर्घटनामा चालक २७ वर्षका आशाराम चौधरी र र सहचालक १८ वर्षीय डम्बरबहादुर वलीको मृत्यु भएको प्रहरीले जनाएको छ । चालक चौधरी दाङ तुल्सीपुर उपमहानगरपालिका-७ टिकारापाकाका हुन् भने सहचालक गंगादेव गाउपालिका-१ रोल्पाका हुन्।
सडकबाट ट्रयाक्टर करिव तीन सय मिटर तल खसेको थियो।