नेपाली कांग्रेसले पार्टीको झन्डा तीन दिन सम्म आधा झुकाउने

काठमाडौ-नेपाली कांग्रेसले पार्टीको झन्डा तीन दिन सम्म आधा झुकाउने

नेपाली कांग्रेसले पार्टीका पृ्र्वकेन्द्री सदस्य तथा पृ्र्वसांसद स्व.कृष्णकुमार जोशीको सम्मानमा तीन दिन सम्म पार्टीको झन्डा आधा झुकाउने भएको छ । पार्टी केन्द्रीय समितिके बुधबार बसेको आकस्मिक बैठकले १६,१७ र १८ साउनमा केन्द्रीय कार्यालय र सबै जिल्ला कार्यालयमा पार्टीको झन्डा आधा झुकाउने निर्णय गरेको हो ।
बैठकले १७ साउनमा केन्द्र तथा जिल्लाका सबै कार्याल बन्द गर्ने निर्णय पनि गरेको पार्टी केन्द्रीय कार्यालयका मुख्यसचिव कृष्णप्रसाद पौडेलले जानकारी दिए ।
नेपाली कांग्रेस जिल्ला कार्यसमिति बैतडीका संस्थापक सभापतिसमेत रहेका जोशीको मंगलवार निधन भएको थियो । जोशीले संगठन विस्तार र लोकतान्त्रिक आन्दोलनमा पुर्राएको
योगदान इतिहासमा सदा स्मरणीय रहने कांग्रेसले जनाएको छ ।