मंसिर २० मा ‘माया पिरिम’

काठमाडौं । आउँदो मंसिर २० गते देशभरका हलहरुमा ‘माया पिरिम’ सार्वजनिक हुने भएको छ । चलचित्रको एक गीतसँगै पोष्टर सार्वजनिक भइसकेको छ ।
प्रदर्शन मिति नजिकिदै गर्दा चलचित्र निर्माण टिमले प्रचारप्रसारको कामलाई तीब्रता दिएको छ । केही दिन अघि मात्र सार्वजनिक भएको सो चलचित्रको ‘फोटो खिचेर’ बोलको गीतको भिडियोमा नायक सलोन बस्नेत, नायिका अन्जली अधिकारी, कोशिश क्षेत्री, कालु राना, जयनन्द लामा लगायतलाई देख्न सकिन्छ ।
गीतमा लेखु सहयात्रीको शब्द, कोशिश क्षेत्रीको संगीत तथा लेखु सहयात्री र बिन्दु परियारको गायन रहेको छ । यस गीतमा शिशिर खातीको कोरियोग्राफरमा निरोज कडेलको छायांकन रहेको छ ।
चलचित्रका निर्देशक टेक पौरखी राई हुन भने सबिन अधिकारी र प्रबिन थापा निर्माता रहेको चलचित्रको कथा सबिन अधिकारीको रहेको छ । निर्देशक राईले यो भन्दा अघि चलचित्र ‘मट्टी माला’ निर्देशन गरेका थिए । राईले ‘माया पिरिम’बाट ठूलो आशा लिएको बताएका छन् ।