नेपालमा थपिए ४ सय ५१ जना संक्रमित

काठमाडौं । नेपालमा पछिल्लो २४ घण्टामा ४ सय ५१ जनामा कोरोना भाइरसको संक्रमण पुष्टि भएको छ ।
स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमका अनुसार आज थपिएका ४ सय ५१ सहित नेपालमा संक्रमितको संख्या ६ हजार २ सय ११ पुगेको छ ।
पछिल्लो २४ घण्टामा थप ६७ जना उपचारपछि निको भएर डिस्चार्ज भएका छन्। यो सहित डिस्चार्ज हुनेको संख्या १०४१ पुगेको छ। जसमध्ये पुरुष ९३७ र महिला १०४ जना छन्।
कुल संक्रमितमध्ये १९ जनाको मृत्यु भएको छ।
प्रवक्ता डा गौतमका अनुसार हालसम्म देशका ७३ जिल्लामा संक्रमण देखिएको छ।