जिप दुर्घटना हुँदा एकको मृत्यु

गुल्मी । गुल्मीमा जिप दुर्घटना हुँदा एक जनाको ज्यान गएको छ । अर्घाखाँचीको मालारानीबाट हाडहाडे हुँदै धनमुढा जाने क्रममा ग१ज३९९७ नम्बरको जिप चुना ओडारमा दुर्घटना हुँदा हाडहाडेका वर्ष १९ का तुल्सी काउछाको ज्यान गएको हो ।
अन्य ५ जना घाइते भएका छन् । जिप चालक वर्ष २२ का प्रदिप पुन, वर्ष २५ का रमेश राना घाइते भएको जिल्ला प्रहरी कार्यालय गुल्मीका डिएसपी केदारराज पन्तले जानकारी दिए । उनीहरु दुई जनालाई उपचारका लागि अर्घाखाँची पठाईएको छ ।
अन्य घाइतेहुनेहरुमा वर्ष ३९ केवश काउछा, वर्ष २१ खिम बहादुर काउछा, वर्ष २८ को बिशाल काउछा रहेका छन् । उनीहरु सबै धुर्कोट गाउँपालिका– ३ मलज्याङका रहेको डिएसपी पन्तले जानकारी दिए । माथिबाट पहिरो आई पुरिदाँ जिप दुर्घटनामा परेको हो ।