४ सय ३४ जना कोरोना संक्रमित थपिए, संक्रमितको संख्या १११६२ पुग्यो

काठमाडौं । पछिल्लो २४ घण्टामा थप ४ सय ३४ जनामा कोरोना पुष्टि भएको छ। बिहीबार स्वास्थ्य तथा जनसंख्या मन्त्रालयको नियमित प्रेस ब्रिफिङमा प्रवक्ता प्रा.डा. जागेश्वर गौतमले दिएको जानकारी अनुसार नेपालमा हालसम्म कोरोना संक्रमण पुष्टि भएकाहरुको संख्या ११ हजार १ सय ६२ जना पुगेको छ ।
त्यस्तै प्रवक्ता गौतमले दिएको जानकारी अनुसार पछिल्लो २४ घण्टामा ३ सय १२ जना कोरोना संक्रमित उपचारपछि निको भएर डिस्चार्ज भएका छन्। आज डिस्चार्ज हुनेमा १९ महिला र २ सय ९३ जना रहेका छन्। योसँगै डिस्चार्ज संख्या २ हजार ६ सय ५० पुगेको छ। जसमा २ सय १६ महिला र २ हजार ४ सय ३४ पुरुष रहेका छन्। हालसम्म नेपालमा कोरोनाका कारण मृत्यु हुनेको संख्या २६ पुगेको छ ।