सपुतको ‘नमस्कार’ सार्वजनिक

काठमाडौं । गायक प्रकाश सपुतको नयाँ गीत ‘नमस्कार’ सार्वजनिक भएको छ । करिब एक वर्षपछि गायक सपुतले नयाँ गीत ल्याएका हुन् । उनले आफ्नो यो गीतमा कोरोनापछि मानिसले भोगिरहेको अवस्था र सबै मानिस बराबर हुन् भन्ने सन्देश दिन खोजेको बताएका छन् ।
प्रकाशकै शब्द तथा संगीत रहेको सार्वजनिक गीतको भिडियोमा प्रकाशलाई विराज थापा, किरण मगरले अभिनय गरेर साथ दिएका छन् । देवेन्द्र बब्लुको निर्देशनमा तयार भएको भिडियोमा प्रविण भट्टको सम्पादन र अनिल के मानन्धरको छायाङ्कन रहेको छ ।
लामो समयको लकडाउनको कारण दर्शकमाझ जान नपाएर छट्पटिएको एक गायकले आफ्नै वरिपरि देखेको खुसीलाई भिडियोमा चित्रित गरिएको छ ।