थप १ सय ४४ जनामा कोरोना संक्रमण, संक्रमित १६ हजार ९सय४५ पुगे
काठमाडौं । नेपालमा थप १ सय ४४ जनामा कोरोना भाइरसको संक्रमण देखिएको छ।स्वास्थ्य मन्त्रालयका अनुसार पछिल्लो २४ घण्टामा देशका विभिन्न प्रयोगशालामा गरिएको परीक्षणका क्रममा उनीहरुलाई कोरोना भाइरसको संक्रमण पोजेटिभ देखिएको हो ।
मन्त्रालयका प्रवक्ता डा जागेश्वर गौतमले आज थपिएकासहित नेपालमा संक्रमितको संख्या १६ हजार ९ सय ४५ जना पुगेको जानकारी दिएका छन्।नेपालमा हालसम्म १० हजार २ सय ९४ जना उपचारपछि निको भएका छन् । नेपालमा कुल संक्रमितमध्ये ६० दशमलव ७ प्रतिशत निको भएको मन्त्रालयका प्रवक्ता डा गौतमले जानकारी दिएका छन् ।
सोमबार ५ हजार ८५६ जनाको कोरोनाको परीक्षण भएको र हाल २३ हजार ४७० जना क्वारेन्टाइनमा रहेको प्रवक्ता गौतमले जानकारी दिएका छन् । हाल ६ हजार ६ सय १३ जनाको कोरोना उपचार भइरहेको छ भने संक्रमितमध्ये हालसम्म ३८ जनाको मृत्यु भएको छ ।