नेपालमा थपिए ११६ जना कोरोना संक्रमित

काठमाडौं । नेपालमा पछिल्लो २४ घण्टामा थप ११६ जनामा कोरोना संक्रमण पुष्टि भएको छ।
स्वास्थ्य तथा जनसंख्या मन्त्रालयको नियमित प्रेस ब्रिफिङमा मन्त्रालयका प्रवक्ता प्राडा। जागेश्वर गौतमले बुधबार देशभरका प्रयोगशालामा गरिएको परीक्षमा उनीहरुको पीसीआर रिपोर्ट पोजिटिभ आएको बताए ।
हालसम्म संक्रमितको संख्या १७ हजार १७७ पुगेको छ । त्यस्तै पछिल्ले २४ घण्टामा नेपालमा थप ६९७ जना कोरोना संक्रमित उपचारपछि निको भएर घर फर्केका छन्। योसँगै नेपालमा कोरोना निको हुनेको संख्या ११ हजार २५ पुगेको छ।
प्रवक्ता गौतमका अनुसार आज ५ हजार ९० जनाको आरटी–पीसीआर परीक्षण गरिएको जानकारी दिएका छन्।
सक्रिय संक्रमितको संख्या ६ हजार ११४ रहेको र क्वारेन्टिनमा २४ हजार ५२७ रहेको प्रवक्ता गौतमले बताएका छन् ।