अक्षयको पारिश्रमिक २ हप्ताको २७ करोड

काठमाडौं । बलिउडका सर्वाधिक कमाई गर्ने नायक मध्येमा पर्ने अक्षय कुमारले दुई हप्ताको पारिश्रमिक २७ करोड लिएको बताइएको छ । भारतीय मिडियाका अनुसार चलचित्र ‘अतरंगी रे’को छायांकनमा अभिनयका लागि लागि उनले दुई हप्ता समय दिने भएका छन् ।
धनुष र नायिका साराअली खानको मुख्य भूमिका रहने चलचित्रमा अक्षयको विशेष भूमिका छ । २ हप्ताको सुटिङका लागि अक्षयले यो चलचित्रबाट २७ करोड पारिश्रमिक वुझेको बताइएको छ । आनन्द एल रायको निर्देशनमा बन्ने चलचित्रका लागि अक्षयले महंगो पारिश्रमिक लिएपछि यसले चर्चा पाइरहेको छ ।
आनन्दले पहिले ऋतिक रोशनलाई चलचित्रका लागि अफर गरेका थिए । तर, ऋतिकले चलचित्रमा काम गर्न नमानेपछि अक्षयलाई अफर गरिएको थियो । अतिथी भूमिकामा देखिनका लागि एक चर्चित नायकको खोजीमा रहेका आनन्दले अन्ततः अक्षयलाई महंगो पारिश्रमिक दिएर काम गराउन सफल भएका छन् ।