उपत्यकामा बढ्दो संक्रमणः आजमात्र ९२ जना संक्रमित

काठमाडौं । आज काठमाडौं उपत्यकामा ९२ जना व्यक्तिमा कोरोना भाइरसको संक्रमण पुष्टि भएको छ । पछिल्लो २४ घण्टामा उपत्यकामा ९२ जना संक्रमित थपिएको स्वास्थ्य मन्त्रालयका प्रवक्ता डाक्टर जागेश्वर गौतमले जानकारी दिए।

उपत्यकाका सात वटा प्रयोगशालाहरूमा परीक्षण गर्दा काठमाडौंका ९० र ललितपुरका २ जनामा संक्रमण देखिएको हो

आज देशभर ३ सय ८० संक्रमित थपिएका छन भने २ जनाको संक्रमणबाट मृत्यु भएको छ । आजका संक्रमित सहित नेपालमा कुल संक्रमितको संख्या २२९७२ र कुल मृत्यु हुनेको संख्या ७५ पुगेको छ ।