‘माया गरौंला’मा पल र उषाको अभिनय

‘माया गरौंला’ गीतको म्युजिक भिडियो सार्वजनिक भएको छ । भिडियोमा नायक पल शाह र मोडल उषा उप्रेतीका साथै सुधिर श्रेष्ठ र सुनिषा बजगाँइको अभिनय गरेका छन् । सरोज ओली र अस्मिता अधिकारीको स्वर रहेको गीतमा दिनेश थपलियाको शब्द, आचार्य कृष्ण भारद्धाजको संगीत छ ।
सरोज ओलीको निर्देशनमा बनेको यो भिडियोमा विक्रम स्वाँरको कोरियोग्राफी छ । नवराज उप्रेतीको छायांकन रहेको भिडियोमा अमन मानन्धरको सम्पादन छ । भिडियो छायांकनमा निकै मिहिनेत गरिएको छ । यसका शब्दहरु पनि दर्शकको मुखमा झुन्डिने खालका छन् ।