थपिए ५ सय २५ जना कोरोना संक्रमित, उपत्यकामा थपिए १२७

काठमाडौं । पछिल्लो २४ घण्टामा ५ सय २५ जनामा कोरोना भाइरसको संक्रमित थपिएका छन् । बिहीबार स्वास्थ्य तथा जनसंख्या मन्त्रालयका प्रवक्ता प्रा.डा. जागेश्वर गौतमले दिएको जानकारी अनुसार उनीहरुमध्ये १ सय २७ जना काठमाडौं उपत्यकाका हुन् ।
पछिल्लो २४ घण्टामा ५२५ जनामा कोरोना संक्रमण थपिएसँगै नेपालमा संक्रमितको संख्या २४ हजार ९ सय ५७ पुगेको छ । उनीहरु मध्ये १६ हजार ८ सय ३७ निको भएर डिस्चार्ज भएका छन् भने ९५ जनाको मृत्यु भएको छ ।
काठमाडौंमा थपिएका संक्रमितहरु मध्ये १ सय ११ काठमाडौंमा, ललितपुरमा ११ र भक्तपुरमा ५ जना छन् । आज थपिएका सहित काठमाडौं उपत्यकामा कुल संक्रमितको संख्या १ हजार ५ सय ५९ पुगेको छ। जसमध्ये काठमाडौंमा १ हजार २ सय ७८, ललितपुरमा १ सय ९१ र भक्तपुरमा १ सय १० पुगेको मन्त्रालयका प्रवक्ता गौतमले बताएका छन्।