उपत्यकामा थपिए ३७७ संक्रमित
काठमाडौं । काठमाडौं उपत्यकामा पछिल्लो २४ घन्टामा ३७७ जना कोरोना संक्रिमत थपिएका छन्। योसँगै उपत्यकामा कोरोना भाइरसबाट संक्रमित हुनेको संख्या ४ हजार ३ सय ९७ पुगेको स्वास्थ्य तथा जनसंख्या मन्त्रालयका प्रवक्ता डा जागेश्वर गौतमले बताएका छन् ।
आज थपिएका संक्रमितहरुमा काठमाडौंमा २७०, ललितपुरमा ६६ र भक्तपुरमा ४१ जना छन् । काठमाडौं उपत्यकामा एकै दिन संक्रमित हुनेको संख्या यो अहिलेसम्मकै बढी हो।
आज देशभर ११११ नयाँ संक्रमित थपिएका छन्। देशभर हालसम्म ३५ हजार ५ सय २० पुगेको छ।
पछिल्लो २४ घण्टामा थप ५६९ जना कोरोना संक्रमणमुक्त भएका छन्। योसहित नेपालमा हालसम्म २० हजार ७३ उपचारपछि निको भएका छन्।
त्यस्तै पछिल्लो २४ घण्टामा आठ जनाको मृत्यु भएसँगै नेपालमा मृतकको संख्या १८३ पुगेको छ ।