उपत्यकामा एकै दिन थपिए ४१५ कोरोना संक्रमित

काठमाडौं । उपत्यकामा एकै दिन ४१५ जनामा कोरोना संक्रमित थपिएका छन् । यो संख्या एकै दिन देखिएको हालसम्मकै उच्च हो ।
स्वास्थ्य तथा जनसंख्या मन्त्रालयको नियमित प्रेस ब्रिफिङमा मन्त्रालयका प्रवक्ता प्राडा जागेश्वर गौतमले दिएको जानकारी अनुसार काठमाडौँमा ३५०, भक्तपुरमा ५४ र ललितपुरमा ११ जनामा संक्रमण देखिएको छ । योसँगै उपत्यकामा कोरोना संक्रमितको संख्या ४ हजार ८ सय १२ पुगेको छ।