उपत्यकामा थपिए एकै दिन ४८१ जना संक्रमित

काठमाडौं । पछिल्लो २४ घण्टामा काठमाडौं उपत्यकामा मात्रै ४८१ जना कोरोना संक्रमित थपिएका छन् । स्वस्थ्य तथा जनसंख्या मन्त्रालयका अनुसानर आज थपिएका समेत गरेर उपत्यकामा कोरोना भाइरसबाट संक्रमित हुनेको संख्या ६ हजार २ सय ६ पुगेको छ ।
मन्त्रालयका प्रवक्ता डा जागेश्वर गौतमका अनुसार पछिल्लो २४ घण्टामा काठमाडौं जिल्लामा ३९०, ललितपुरमा ५८ र भक्तपुरमा ३० जना संक्रमित थपिएका छन् ।
यसैवीच पछिल्लो २४ घण्टामा देशभरमा १०६९ जनामा कोरोना भाइरसको संक्रमित थपिएका छन् , आज थपिएका समेत गरेर नेपालमा कोरोना संक्रमित हुनेको संख्या ४० हजार ५२९ जना पुगेको छ।
त्यस्तै पछिल्लो २४ घण्टामा ७६८ जना कोरोना संक्रमणमुक्त भएसँगै २२ हजार १७८ निको भएका छन् ।