थप १२ सय २८ जना कोरोना संक्रमित, ६ जनाको मृत्यु

काठमाडौं । पछिल्लो २४ घण्टामा नेपालमा थप १ हजार २२८ जनामा कोरोना भाइरसको संक्रमण पुष्टि भएको छ भने थप ६ जनाको मृत्यु भएको छ ।
बिहीबारको स्वास्थ्य तथा जनसंख्या मन्त्रालयको नियमित प्रेस ब्रिफिङमा मन्त्रालयका प्रवक्ता प्राडा जागेश्वर गौतमले दिएको जानकारी अनुसार पछिल्लो २४ घण्टाा देशभरमा गरिएको पीसीआर परीक्षणबाट ३९४ महिला र ८३४ जना पुरुषमा कारोना भाइरस पोजेटिभ देखिएको हो ।
योसहित नेपालमा कोरोना संक्रमित हुनेको संख्या ४२ हजार ८७७ जना पुगेको छ। नेपालमा हाल संक्रिय संक्रमितको संख्या १८ हजार ८१३ रहेको प्रवक्ता गौतमले बताएका छन् ।
त्यस्तै पछिल्लो २४ घण्टामा थप ९१७ जना कोरोना संक्रमित निको भएका छन् । योसँगै निको हुनेको संख्या २४ हजार २०७ पुगेको छ।
त्यस्तै पछिल्लो २४ घण्टामा ४ जना महिला र २ पुरुष गरी ६ जना कोरोना संक्रमितको मृत्यु भएको छ । मृत्यु हुनेहरुमा चितवन, भक्तपुर, तनुहँ र रुपन्देहीका महिला तथा सिन्धुपाल्चोक र रुपन्देहीका पुरुष रहेका छन् । हालसम्म नेपालमा कोरोनाबाट मृत्यु हुनेको संख्या २५७ पुगेको छ ।