उपत्यकामा थपिए ४५४ जना कोरोना संक्रमित

काठमाडौं । उपत्यकामा पछिल्लो २४ घन्टामा ४ सय ५४ जनामा कोरोना संक्रमित थपिएका छन् । योसँगै उपत्यकामा कोरोना भाइरसबाट संक्रमित हुनेको संख्या ७ हजार ४ सय ९३ पुगेका छन् ।
स्वास्थ्य तथा जनसंख्या मन्त्रालयका प्रवक्ता डा जागेश्वर गौतमले जानकारी अनुसार काठमाडौंमा ३८६, ललितपुरमा ३६ र भक्तपुरमा ३२ संक्रमित थपिएका हुन्। हालसम्म काठमाडौंमा ५ हजार ६सय २२ ललितपुरका ८१८ र भक्तपुरमा ५९८ संक्रमित पुगेका छन्।
पछिल्लो २४ घण्टामा देशभरमा १ हजार ३ सय ५९ जनामा कोरोना भाइरसको संक्रमण पुष्टि भएको छ । आज थपिएका समेत गरेर कुल संक्रमितको संख्या ४४ हजार २३६ पुगेको छ ।
त्यस्तै पछिल्लो २४ घण्टामा १ हजार ३ सय ५४ जना निको भएका छन् । यो सँगै २५ हजार ५६१ जना निको भएर घर फर्किएका छन्।