उपत्यकामा थपिए एकै ५७२ जना कोरोना संक्रमित

काठमाडौं । पछिल्लो २४ घन्टामा काठमाडौं उपत्यकामा मात्रै ५७२ जना कोरोना संक्रिमत थपिएका छन् ।
स्वास्थ्य तथा जनसंख्या मन्त्रालयका प्रवक्ता डा जागेश्वर गौतमका अनुसार पछिल्लो २४ घण्टामा काठमाडौंमा ४९५, ललितपुरमा ४३ र भक्तपुरमा ३४ संक्रमित थपिएका हुन् ।
हालसम्म काठमाडौंमा ८ हजार १ सय ६ ललितपुरका १ हजार ५४ र भक्तपुरमा ८५२ संक्रमित पुगेका छन्।
उपत्यकामा कोरोना भाइरसबाट संक्रमित हुनेको कुल संख्या १० हजार १२ पुगेको छ।
त्यस्तै नेपालमा पछिल्लो २४ घण्टामा थप १ हजार २४६ जनामा कोरोना भाइरसको संक्रमण पुष्टि भएको छ।
प्रवक्ता प्राडा गौतमका अनुसार आज थपिएका समेत गरेर नेपालमा कोरोना संक्रमितको संख्या ५० हजार ४६५ पुगेको छ ।
उनीहरु मध्ये सक्रिय संक्रमितको संख्या १४ हजार ४४८ रहेको बताइएको छ।
पछिल्लो २४ घण्टामा ११ हाजर १४४ पीसीआर परीक्षण गरिएको र योसँगै नेपालमा ८ लाख १० हजार ४८५ पीसीआर परीक्षण भएको प्रवक्ता गौतमले जानकारी दिएका छन् ।
त्यस्तै पछिल्लो २४ घण्टामा थप १ हजमर ८१८ जना कोरोना संक्रमित निको भएका छन् । योसँगै कोरोना संक्रमणबाट निको हुनेको संख्या ३५ हजार ७०० पुगेको छ।
त्यस्तै पछिल्लो २४ घण्टामा देशभर थप ५ जना कोरोना संक्रमितको मृत्यु भएको छ। योसँगै मृत्यु हुनेको संख्या ३१७ पुगे छ ।