रावावेशी गाउँपालिकाद्वारा ज्येष्ठ नागरिकलाई सम्मान
खोटाङ । जिल्लाको रावावेशी गाउँपालिकाले आफ्नो क्षेत्रभित्र बसोवास गर्ने ९० वर्षभन्दा माथिका ज्येष्ठ नागरिकलाई सम्मान गरेको छ । गाउँपालिकाका वडा–वडामा पुगेर गाउँपालिकाका अध्यक्ष लिलानाथ निरौलाले रु. ५ हजार नगदसहित दोसल्ला ओढाएर ज्येष्ठ नागरिकहरुलाई सम्मान गरेका हुन ।
९० वर्षभन्दा माथिका जेष्ठ नागरिकलाई समान गर्न आयोजित कार्यक्रममा अध्यक्ष निरौलाले ९० वर्ष भन्दा बढी उमेरसम्म पनि स्वस्थपूर्वक आफ्नो दैनिकी गरिरहनुभएका ज्येष्ठ नागरिकलाई सुस्वास्थ्यको लागि शुभकामना व्यक्त गर्दै आगामी दिनमा पनि यस्ता कार्यक्रमहरुलाई निरन्तरता दिने प्रतिवद्धता जनाएका छन् ।
