गुल्मीको इस्मा–२ मा पहिरोमा वेपत्ता दुवै जनाको शव फेला
गुल्मीको इस्मा गाउँपालिका–२ मा पहिरोमा परी वेपत्ता भएका दुवै जनाको सव फेला परेको छ । गएराति करिब ८ बजे इस्मा गाउँपालिकाको छल्दीपनाहा रातडाँडा सडकमा पहिरो जाँदा इस्मा–२ स्यालाका ३९ वर्षिय प्रेमबहादुर कुमाल तथा ६ वर्षीय बालक सफल कुमाल पहिरोमा पुरिएर वेपत्ता भएका थिए ।
प्रहरीले खोज्ने क्रममा आज प्रेमबहादुर कुमालको सडकदेखि ५० मिटर तल तथा ६ वर्षीय बालक सफल कुमालको बिहान करिब १० बजे सोही स्थानमै शव फेला परेकोे जिल्ला प्रहरी कार्यालय गुल्मीले जनाएको छ ।
उनीहरु पैदल हिँडिरहेका बेला सडकमाथिबाट झरेको पहिरोले पुरेको बताइएको छ। दुवै शवलाई पोष्टमार्टमका लागि तम्घास अस्पताल गुल्मीमा ल्याइएको प्रहरीले उल्लेख गरेको छ ।