आज १४९७ सङ्क्रमित थपिए, संक्रमितको संख्या ६९३०१ पुग्यो

काठमाडौं । नेपालमा पछिल्लो २४ घण्टामा १ हजार ४ सय ९७ जनामा कोरोना भाइरस सङ्क्रमण पुष्टि भएको छ । स्वास्थ्य तथा जनसंख्या मन्त्रालयले दैनिक प्रेस ब्रिफिङको क्रममा आज दिएको जानकारी अनुसार नेपालमा कुल सङ्क्रमितको संख्या ६९ हजार ३०१ जना पुगेको छ ।
मन्त्रालयका प्रवक्ता डा। जागेश्वर गौतमका अनुसार हाल संक्रिय संक्रमितको संख्या १८ हजार ४३७ जना छ । आइसोलेसनमा कुल १८ हजार ४३७ पुगेको छ । उनीहरु मध्ये संस्थागत आइसोलेसनमा आठ हजार ६१४ र होम आइसोलेसनमा नौ हजार ८२३ संक्रमितहरु रहेका छन् ।
त्यस्तै पछिल्लो २४ घण्टामा ४५७ जना सङ्क्रमित निको भएर घर फर्केका छन् । उनीहरु समेत गरेर संक्रमण मुक्त हुनेको संख्या ५० हजार ४११ जना पुगेको छ । ७२।७ प्रतिशत कोरोना संक्रमण मुक्त भएको मन्त्रालयले जनाएको छ । हाल क्वारेन्टिनमा ६ हजार ५६५ जना छन् ।
पछिल्लो २४ घण्टामा ११ हजार ४४९ वटा नमूना परीक्षण गरिएको हो । योसँगै नेपालमा नौ लाख ५५ हजार ९२३ वटा आरटी पीसीआर परीक्षण भएको छ ।