बुबाको हत्या गरि फरार भएका व्यक्ति प्रकाउ

गुल्मीको इस्मामा आफ्नै बुबाको मृत्यु हुने गरी कुटपिट गरी फरार भएका एक व्यक्तिलाई प्रहरीले आज नियन्त्रणमा लिएको छ । इस्मा गाउँपालिका–४ बाजका अन्दाजी २५ वर्षिय अनिल बस्नेतले आफ्नै बुबा ६० वर्षीय दिल बहादुर वस्नेतलाई आक्रमण गर्दा ज्यान गएको थियो ।

घटना लगत्तै उनी फरार भएका थिए । अनिलले मदिरा सेवन गरी विवादका क्रममा बाबुमाथि आक्रमण गरेको प्रहरीको भनाई छ । छोराको आक्रमणबाट गम्भीर घाइते भएका दिल बहादुरलाइ उपचारका लागी जिल्ला अस्पताल तम्घास ल्याएकोमा सामान्य उपचार पश्चात थप उपचारको लागी मिसन अस्पताल पाल्पा रिफर गरिएको थियो ।

त्यहाँबाट पनि प्रदेशिक हस्पिटल बुटवल रिफर गरिएको थियो । गम्भीर घाइते बस्नेतको बाटोमै मृत्यु भएको प्रहरीको भनाई छ । आज इस्मा गाउँपालिका–१ हर्पुकोटमा लुकी राखेको अवस्थामा प्रहरीले अनिललाई प्रकाउ गरेको जिल्ला प्रहरी कार्यालय गुल्मीका प्रहरी नायब उपरीक्षक डिएसपी केदारराज पन्तले जानकारी दिनुभयो । बस्नेतलाई नियन्त्रणमा लिई थप अनुसन्धान थालिएको प्रहरीको भनाई छ ।