एकै दिन ३४३९ जना सङ्क्रमित थपिए, १५ जनाको मृत्यु
काठमाडौं । पछिल्लो २४ घण्टामा नेपालमा ३४ सय ३९ जना सङ्क्रमित थपिएका छन् । स्वास्थ्य तथा जनसंख्या मन्त्रालयका अनुसार संक्रमितको संख्या ९४ हजार २५३ जना पुगेको छ ।
कुल संक्रमित मध्ये हाल २५ हजार ७ जनामा भाइरसको सङ्क्रमण सक्रिय छ ।
त्यस्तै पछिल्लो २४ घण्टामा १४ हजार २०९ जनाको आरटीपीसीआर परीक्षण गरिएको स्वास्थ्य तथा जनसंख्या मन्त्रालयले जानकारी दिएको छ । हाल क्वारेन्टिनमा चार हजार १६४ रहेका छन् ।
मन्त्रालयका अनुसार पछिल्लो २४ घण्टामा एक हजार १२६ जना कोरोना सङ्क्रमित निको भएर घर फर्केका छन् । कोरोना संक्रमण निको हुनेको संख्या ६८ हजार ६६८ जना पुगेको छ ।
सक्रिय संक्रमित मध्ये २३३ जना आइसियु र ३७ जना भेन्टिलेटरमा रहेर उपचार गराइरहेका छन् ।
त्यस्तै पछिल्लो २४ घण्टामा १५ जनाको कोरोना भाइरसका कारणले मृत्यु भएको छ । योसँगै नेपालमा कोरोनाका कारण मृत्यु हुनेको संख्या ५७८ जना पुगेको छ ।
