फेरि जित्यो रंगशालाले

चितवन÷रंगशाला व्याड्मिन्टन क्लबले जितको पाँचौं श्रृंखला हात पारेको छ । शनिवार भरतपुर १८ गुञ्जनगरमा आयोजित खेलमा रंगशालाका लागि प्रकाश थापा र सुरेन्द्र श्रेष्ठको टिम प्रथम एवं कल्याण युथ क्लब गुञ्जनगरका विनोद लामा र गोविन्द तिवारीको टिम दोश्रो भयो । यसैगरि रंगशालाका रामचन्द्र सापकोटा र सरोज ढकालको टिम तेश्रो भयो ।
उक्त प्रतियोगितामा रंगशाला टिमबाट खेल्नेमा राजेन्द्र हमाल, शिशिर सापकोटा, गणेश केसी, पीसी सुवेदी, राजेन्द्र थापा, पी.बी. क्षेत्री, राजु पौडेल र सुरेश अधिकारीको पनि उत्साहजनक सहभागिता रहेको थियो । क्वार्टर फाइनलका लागि भएको गोलाप्रथाबाट जुधेका आफ्नै क्लबका केही खेल भएनन् । यसैगरी कल्याण युथ क्लबका तर्फबाट वादल तामाङ, सुसन तामाङ, विमल लामा, प्रविन राना, वीरबहादुर गुरुङ, यनबहादुर थापा, पवन राना, सागर तामाङ, सागर महतो र राजु महतो खेलेका थिए ।