थपिए २०७१ जना सङ्क्रमित, उपत्यकामा १४१६ जना

काठमाडौं । नेपालमा पछिल्लो २४ घण्टामा कोरोना भाइरसका संक्रमित २ हजार ७१ जना थपिएका छन् । स्वास्थ्य तथा जनसंख्या मन्त्रालयका अनुसार आज थपिएका समेत गरेर नेपालमा संक्रमितको कुल संख्या १ लाख ७ हजार ७५५ जना पुगेको छ ।
आज थपिएका मध्ये १ हजार ४ सय १६ जना काठमाडौं उपत्यकाका हुन । उनीहरु मध्ये काठमाडौंमा १ हजार १ सय ४५ जना, भक्तपुरमा १ सय १० र ललितपुरमा १ सय ६१ जना नयाँ संक्रमित थपिएको स्वास्थ्य तथा जनसंख्या मन्त्रालयका प्रवक्ता डा जागेश्वर गौतमले जानकारी दिएका छन् ।
देशभरमा गरेर हाल ३३ हजार ३१५ जनामा भाइरसको सङ्क्रमण सक्रिय रहेको मन्त्रालयले जनाएको छ ।
त्यस्तै पछिल्लो २४ घण्टामा एक हजार ५५२ जना कोरोना सङ्क्रमित निको भएर घर फर्केको मन्त्रालयले जनाएको छ । उनीहरु समेत गरेर निको हुने संक्रमितको संख्या ७५ हजार ८०४ जना पुगेको छ ।
त्यस्तै पछिल्लो २४ घण्टामा २२ जनाको कोरोना भाइरसका कारणले मृत्यु भएको छ । योसँगै नेपालमा कोभिड १९ को कारणले मृत्यु हुनेको संख्या ६३६ पुगेको छ ।