उपत्यकामा थपिए २२८३ जना सङ्क्रमित

काठमाडौं । पछिल्लो २४ घण्टामा उपत्यकामा कोरोना भाइरसका दुई हजार २८३ जनामा सङ्क्रमित थपिएका छन् ।
स्वास्थ्य तथा जनसंख्या मन्त्रालयका अनुसार काठमाडौंमा एक हजार ८८८, ललितपुरमा २७७ र भक्तपुरमा ११८ मा सङ्क्रमण पुष्टि भएको हो ।
मन्त्रालयका अनुसार पछिल्लो २४ घण्टामा देशभरमा गरेर १४ हजार ५३० जनाको आरटीपीसीआर परीक्षण गरिएकोमा चार हजार ४७ जनामा सङ्क्रमणको पुष्टि भएको छ । नेपालमा कुल सङ्क्रमित करिब एक लाख ११ हजार नाघेको छ । हाल ३३ हजार ८८० जनामा भाइरसको सङ्क्रमण सक्रिय छ ।