गुल्मीमा ट्याक्टर दुर्घटना हुँदा एक जनाको ज्यान गयो
गुल्मीमा ट्याक्टर दुर्घटना हुदाँ एक जनाको ज्यान गएको छ । जिल्लाको मदाने गाउँपालिका–७ भनभने स्थित तिमुरखर्क बाट गिट्टी लोड गरी भनभने तर्फ आउँदै गरेको लु ३ त ६८९६ नम्बरको ट्याक्टर दुर्घटना हुँदा सोही स्थानका ४५ बर्षिय नेत्र बहादुर घर्तिको ज्यान गएको जिल्ला प्रहरी कार्यालय गुल्मीका प्रहरी नायब उपरीक्षक (डिएसपी ) केदारराज पन्तले जानकारी दिनुभयो ।
ट्याक्टरआफैँ अनियन्त्रीत भई सडक बाट करिब १७ मिटर तल खस्न गई दुर्घटनामा परेको हो । दुर्घटनामा परि घाईते १ जनाको भने जिल्ला अस्पताल तम्घासमा उपचार भईरहेको छ । दुर्घटनामा परि घाइते भएका सोही स्थानका मनोज घर्तिका ९ वर्षीय छोरा आयुष घर्तिको उपचार भईरहेको डिएसपी पन्तले जानकारी दिनुभयो ।
दुर्घटनाको खबर प्राप्त हुना साथ उक्त स्थानमा प्रहरी सहायक निरिक्षक शालिक राम न्यौपानेको कमाण्डमा ५ जनाको टोली घटनास्थलमा गएको थियो । ट्याक्टर घट्नास्थलमै रहेको, ट्याक्टर साहुँ र चालक सम्पर्कमा रहेको डिएसपी पन्तले जानकारी दिनुभयो ।