आज ३७९० कोरोना सङ्क्रमित थपिए, थप १८ जनाको मृत्यु

काठमाडौं । नेपालमा पछिल्लो २४ घण्टामा ३ हजार ७९० जना कोरोना भाइरसका संक्रमित थपिएका छन् । स्वास्थ्य तथा जनसंख्या मन्त्रालयका अनुसार नेपालमा सङ्क्रमितको संख्या एक लाख ३६ हजार ३६ पुगेको छ ।
त्यस्तै पछिल्लो २४ घण्टामा थप २ हजार ३३५ जना कोरोना संक्रमित संक्रमणमुक्त भएका छन् । योसँगै नेपालमा कोरोना संक्रमणपछि निको हुनेको संख्या ९४ हजार ५०१ पुगेको छ। यो कुल संक्रमितको ६९.५ प्रतिशत हो ।
हाल सक्रिय संक्रमितको संख्या भने ४० हजार ७७८ जना छ ।
पछिल्लो २४ घण्टामा १५ हजार ७१४ जनाको आरटीपीसीआर परीक्षण गरिएको छ । हालसम्म १३ लाख ९१८ जनाको पीसीआर परीक्षण गरिएको मन्त्रालयले जनाएको छ ।
त्यस्तै पछिल्लो २४ घण्टामा थप १८ जना कोरोना संक्रमितको मृत्यु भएको छ। योसँगै नेपालमा कोरोना संक्रमित मृतकको संख्या ७ सय ५७ पुगेको छ ।