३०९३ सङ्क्रमित थपिएसँगै एक लाख ३९ हजार १२९ पुग्यो

काठमाडौं । पछिल्लो २४ घण्टामा नेपालमा कोरोना भाइरसका संक्रमित ३ हजार ९३ जना थपिएका छन् । स्वास्थ्य तथा जनसंख्या मन्त्रालयका अनुसार आज थपिएका समेत गरेर कुल संक्रमितको संक्रमितको संख्या १ लाख ३९ हजार १२९ पुगेको छ ।
मन्त्रालयका अनुसार हाल ४१ हजार ७५५ जनामा भाइरसको सङ्क्रमण सक्रिय छ । उपचारका लागि होमसहित संस्थागत आइसोलेसनमा ती सङ्क्रमित बसेका छन् ।
त्यस्तै पछिल्लो २४ घण्टामा दुई हजार १०८ जना कोरोना सङ्क्रमित निको भएर घर फर्केका छन् । हालसम्म ९६ हजार ६०९ जना सङ्क्रमित निको भएर घर फर्केका छन् । निको हुने दर विगतको तुलनामा केही दिनदेखि कम हुँदै गइरहेको मन्त्रालयले जनाएको छ ।
यस्तै देशभरका संस्थागत आइसोलेशनमा १३ हजार ५५९, होम आइसोलेशनमा २८ हजार १८६ र क्वारेन्टिनमा चार हजार २२० जना रहेको स्वास्थ्य मन्त्रालयले जनाएको छ ।
आजसम्म १३ लाख १४ जनाको ७७९ पिसिआर परीक्षण गरिएको छ ।
त्यस्तै पछिल्लो २४ घण्टामा ८ जनाको कोरोना भाइरसका कारण मृत्यु भएसँगै नेपालमा कोभिड–१९ को कारणले मृत्यु हुनेको संख्या ७६५ पुगेको छ ।