उपत्यकामा थपिए १५३५ जना संक्रमित

काठमाडौं । काठमाडौं उपत्यकामा पछिल्लो २४ घण्टामा १ हजार ५३५ कोरोना संक्रमित थपिएका छन् । स्वास्थ्य तथा जनसंख्या मन्त्रालयका अनुसार काठमाडौंमा १ हजार २२५, ललितपुरमा १४७ र भक्तपुरमा १६३ जनालाई कोरोना संक्रमण पुष्टि भएको हो ।
मन्त्रालयका अनुसार आज थपिएका समेत गरेर काठमाडौंमा ५६ हजार ३०२, ललितपुरमा ७ हजार ८८३ र भक्तपुरमा ५ हजार ३१३ जनालाई संक्रमण भएको छ।
पछिल्लो २४ घण्टामा देशभर २ हजार ८५६ जना संक्रमित भएका छन् भने ३ हजार ३३६ जना संक्रमणमुक्त भएका छन् ।
देशभर ४५ हजार ५७२ जनामा संक्रमण सक्रिय रहेको छ । त्यस्तै देशमारमा पछिल्लो २४ घण्टामा ५ जना संक्रमितको मृत्यु भएको छ। त्यसैगरी, पछिल्लो २४ घण्टामा ५ जना सङ्क्रमितको मृत्यु छ । नेपाल कोरोनाभाइरसबाट मृत्यु हुनेको संख्या ८४७ पुगेको छ ।